ەلىمىزدىڭ بارلىق 17 وڭىرىندە Nur Otan پارتياسىنىڭ سايلاۋالدى شتابتارىنىڭ باسشىلارى انىقتالدى, دەپ حابارلايدى Egemen.kz پارتيانىڭ ءباسپاسوز قىزمەتىنە سىلتەمە جاساپ.
اقمولا وبلىسىندا وڭىرلىك شتابقا پارتيانىڭ وبلىستىق فيليالىنىڭ ءبىرىنشى ورىنباسارى عالىم بەكماعامبەتوۆ جەتەكشىلىك ەتەدى. وتكەن جىلعى پرەزيدەنت, 2016 جىلعى ءماجىلىس دەپۋتاتتارى مەن ءماسليحاتتار سايلاۋىندا ول وبلىستىق شتابتى باسقاردى.
اقتوبە وبلىسىندا سايلاۋالدى شتابتىڭ تىزگىنى پارتيانىڭ وبلىستىق فيليالى باسشىسىنىڭ ورىنباسارى ەربول داناعۇلوۆتىڭ قولىنا ءتيدى.
الماتى وبلىسىندا سايلاۋالدى شتابتىڭ باسشىلىعى وبلىستىق ءماسليحات حاتشىسىنىڭ مىندەتىن اتقارۋشى سەرىك مۇقانوۆقا سەنىپ تاپسىرىلدى. ونىڭ سايلاۋ كەزەڭىندە العان تاجىريبەسى بار. 2015 جىلى ەل پرەزيدەنتى جانە 2016 جىلعى ءماجىلىس پەن ءماسليحات دەپۋتاتتارى سايلاۋىندا ول شتابتى باسقاردى.
اتىراۋ وبلىسىنداعى ايماقتىق سايلاۋالدى شتابىنىڭ تىزگىنى پارتيانىڭ وبلىستىق فيليالى توراعاسىنىڭ ورىنباسارى نۇرلىبەك وجاەۆتىڭ قولىنا بەرىلدى. وتكەن جىلى پرەزيدەنت سايلاۋىندا ول شتابتى باسقارعان.
شىعىس قازاقستان وبلىسىندا پارتيانىڭ وبلىستىق فيليالى توراعاسىنىڭ ءبىرىنشى ورىنباسارى ولەگ چۋگۋنكوۆ ايماقتىق سايلاۋالدى شتابىنىڭ جەتەكشىسى بولدى. 2019 جىلى پرەزيدەنت سايلاۋىندا ول وڭىرلىك شتاب اپپاراتىنىڭ باسشىسى قىزمەتىن اتقاردى.
جامبىل وبلىسىندا شتاب جەتەكشىسى بولىپ وبلىستىق ءماسليحات حاتشىسى باعلان قاراشولاقوۆ, ال باتىس قازاقستان وبلىسىندا پارتيا فيليالى توراعاسىنىڭ ءبىرىنشى ورىنباسارى مۇرات مۇقاەۆ تاعايىندالدى.
قاراعاندى وبلىسىندا سايلاۋالدى شتابتى پارتيا فيليالى توراعاسىنىڭ ءبىرىنشى ورىنباسارى قاديشا وسپانوۆا باسقارادى. ونىڭ دا 2011, 2015, 2019 جىلدارداعى پرەزيدەنت, سونداي-اق 2012 جانە 2016 جىلعى ءماجىلىس دەپۋتاتتارى مەن ءماسليحاتتار سايلاۋىندا وبلىستىق شتاب باسشىسىنىڭ ورىنباسارى بولعان كەزدە جيناعان تاجىريبەسى بار.
ماڭعىستاۋ وبلىسىندا سايلاۋالدى شتابىن فيليال توراعاسىنىڭ ءبىرىنشى ورىنباسارى ەلۋباي ءابىلوۆ باسقارادى. ول 2019 جىلى پرەزيدەنت سايلاۋىندا شتاب باسشىسىنىڭ ورىنباسارى بولعان.
قوستاناي, قىزىلوردا, پاۆلودار, سولتۇستىك قازاقستان جانە تۇركىستان وبلىستارىندا سايلاۋالدى شتابتاردى پارتيانىڭ وبلىستىق فيليالدارى توراعالارىنىڭ ءبىرىنشى ورىنباسارلارى, اتاپ ايتقاندا ەلدار كۇزەنباەۆ, ءلايلا تورەشوۆا, يليا تەرەنچەنكو, اسەم راحمەتوۆا جانە بەيسەنباي تاجىباەۆ باسقارادى.
بۇعان دەيىن شىمكەنت, الماتى جانە نۇر-سۇلتان قالالارىنداعى سايلاۋالدى شتابتاردىڭ باسشىلارىن تاعايىنداۋ تۋرالى جاريالانعانىن ايتا كەتكىمىز كەلەدى.
شىمكەنتتە جەتەكشى پارتيانىڭ سايلاۋالدى شتابىنىڭ تىزگىنى قالالىق فيليال توراعاسىنىڭ ءبىرىنشى ورىنباسارى باحادىر نارىمبەتوۆكە بەرىلدى. بۇعان دەيىن ول 2019 جىلى پرەزيدەنت سايلاۋىندا قالالىق شتابتى باسقارعان.
الماتىداعى سايلاۋالدى شتابتىڭ جەتەكشىسى بولىپ بەلگىلى قوعام قايراتكەرى, "تۇران" ۋنيۆەرسيتەتىنىڭ رەكتورى راحمان الشانوۆ تاعايىندالدى. ونىڭ دا ەلەكتورالدى كەزەڭدە جيناعان تاجىريبەسى بار. 2011, 2015, 2019 جىلدارداعى پرەزيدەنت, سونداي-اق 2012 جانە 2016 جىلدارداعى ءماجىلىس پەن ءماسليحاتتار سايلاۋىندا ول وڭىرلىك شتابتى باسقاردى.
نۇر-سۇلتان قالاسىندا پارتيانىڭ سايلاۋالدى شتابىن Nur Otan پارتياسى قالالىق فيليالى توراعاسىنىڭ ءبىرىنشى ورىنباسارى ەرلان كاناليموۆ باسقارادى. 2019 جىلى ەل پرەزيدەنتىنىڭ سايلاۋىندا ول ەلوردالىق شتابقا جەتەكشىلىك ەتتى.